სიახლეები

ამა წლის 19 იანვარს  ფრიდრიხ ებერტის ფონდის წარმომადგენლობაში გაიმართა შეხვედრა ესტონეთის პარლამენტის თავმჯდომარეს, ესტონეთის პარლამენტის დეპუტატებსა და საქართველოს არასამთავრობო სექტორის წარმომადგენლებს შორის. ესტონეთის დელაგეციამ და ხუთმა არასამთავრობო ორგანიზაციამ, მათ შორის პროფკავშირებმა, ისაუბრეს საქართველოში მიმდინარე აქტუალურ საზოგადოებრივ-პოლიტიკურ პროცესებზე.

მიმდინარე წლის 10-11 ნოემბერს ადამიანის განვითარების საერთაშორისო ცენტრის ორგანიზებითა და ფრიდრიხ ებერტის ფონდის მხარდაჭერით ერევანში ჩატარდა კონფერენცია სახელწოდებით “აღმოსავლეთ პარტნიორობის პროგრამა: ეროვნული და ევროპული დინამიკა”. კონფერენციაში მონაწილეობდნენ სამოქალაქო საზოგადოებისა და პოლიტიკის გავლენიანი წარმომადგენლები სომხეთიდან, საქართველოდან, რუსეთიდან, დანიიდან, შვედეთიდან, ჩეხეთიდან, უკრაინიდან და თურქეთიდან. კონფერენციას ესწრებოდნენ, აგრეთვე, ევროკავშირის, ეუთოს, ევროსაბჭოსა და სომხეთის მთავრობის წარმომადგენლები, მათ შორის სომხეთის პრემიერ-მინისტრი ტიგრან სარგსიანი და საგარეო საქმეთა მინისტრი ედვარდ ნალბანდიანი. კონფერენციის პროგრამის გადმოწერა.

გრაირ მარუკიანის ფონდის ორგანიზებითა და ფრიდრიხ ებერტის ფონდის მხარდაჭერით ერევანში გაიმართა  კვლევის “სოციალური უსაფრთხოების რეფორმა სომხეთში“ პრეზენტაცია, რომელიც ჯანდაცვის სფეროს რეფორმებს, უმუშევრობასა და სოციალური საცხოვრებლით უზრუნველყოფის საკითხებს ეხება. კვლევა, რომელზეც ეკონომისტები, პარლამენტარები და ისტორიკოსები მუშაობდნენ, გვთავაზობს აღნიშნული საკითხების ღრმა ანალიზსა და რეკომენდაციებს. კვლევის გადმოწერა. ENG ARM. ღონისძიების პრესმიმოხილვა იხილეთ ამ ბმულზე.

27 ოქტომბერს, ფრიდრიხ ებერტის ფონდის ორგანიზებითა  ევროკავშირის მხარდაჭერით თბილისში გაიმართა მეორე საერთაშორისო კონფერენცია თემაზე სოციალური დიალოგი და შრომითი სტანდარტები საქართველოში. კონფერენციაში მონაწილეობდნენ საქართველოს პარლამენტის, საქართველოს მთავრობის, შრომის საერთაშორისო ორგანიზაციის, პროფკავშირების საერთაშორისო კონფედერაციის, დამსაქმებელთა საერთაშორისო ორგანიზაციის, ევროკავშირის, დამსაქმებელთა ასოციაციისა და საქართველოს პროფესიული კავშირების გაერთიანების წარმომადგენლები. მონაწილეებმა იმსჯელეს სოციალური დიალოგის განვითარების პრობლემებსა და გამოწვევებზე და აგრეთვე,  შრომითი სტანდარტების დაცვის აქტუალურ მდგომარეობაზე. მომხსენებელთა შორის გახლდათ ბატონი გაი რაიდერი, შრომის საერთაშორისო ორგანიზაციის აღმასრულებელი დირექტორი.
პროგრამის, კონფერენციის ანგარიშისა და მოხსენების გადმოწერა.

მიმდინარე წლის 21-24 ოქტომბერს ბაკურიანში ჩატარდა სემინარი საქართველოს ახალგაზრდა სოციალისტთა გაერთიანებისა და საქართველოს ფალკონების ოცი ახალგაზრდა აქტივისტისთვის. სემინარის თემა გახლდათ მენეჯმენტის, კამპანიის დაგეგმვის, პოლიტიკური PR–ის წარმართვა  და რიტორიკა. სემინარი განხორციელდა კურტ ლიოვენშტაინის ინსტიტუტის საგანმანათლებლო ცენტრისა და საქართველოში ფრიდრიხ ებერტის ფონდის წარმომადგენლობის მხარდაჭერით.

მიმდინარე წლის 10 ოქტომბერს გაიმართა თბილისის სახელმწიფო უნივერსიტეტის ევროპული კვლევების ინსტიტუტისა და ფრიდრიხ ებერტის ფონდის ერთობლივი პროექტის პრეზენტაცია, რომლის მიზანია საქართველოს პარლამენტის ევროპასთან ინტეგრაციის კომიტეტის საქმიანობის ხელშეწყობა. პროექტის ფარგლებში განიხილება საკანონმდებლო ინიციატივები კვების პროდუქტების უსაფრთხოების, ანტიმონოპოლიური რეგულაციებისა და ევროკავშირთან თავისუფალი ვაჭრობის შეთანხმების (DCFTA) ფარგლებში. 

ფრიდრიხ ებერტის ფონდის მხარდაჭერით ერევნის პრეს კლუბმა და აღმოსავლეთ პარტნიორობის პროგრამის სამოქალაქო საზოგადოების ფორუმმა გამოსცა კვლევა ”მედია ლანდშაფტი აღმოსავლეთ ევროპის პარტნიორობის პროგრამის წევრ ქვეყნებში”. კვლევაში წარმოდგენილია მრავალმხრივი ინფორმაცია მედია ლადშაფტის მდგომარეობის შესახებ აღმოსავლეთ ევროპის პარტნიორობის პროგრამის  წევრ ქვეყნებში (საქართველო, სომხეთი, აზერბაიჯანი, მოლდავეთი, ბელარუსი და უკრაინა) და განხილულია არსებული პრობლემები და გამოწვევები. პუბლიკაციის პრეზენტაცია ჩატარდა აღმოსავლეთ პარტნიორობის სამიტის ფარგლებში ვარშავაში მიმდინარე წლის სექტემბრის ბოლოს. გადმოწერა ENG  RUS

2009 წელს ევროკავშირმა შეიმუშავა აღმოსავლეთ პარტნიორობის პროგრამა, რათა გაეღრმავებინა ურთიერთობები საქართველოსთან, უკრაინასთან, ბელარუსთან, სომხეთთან და აზერბაიჯანთან. პროგრამის დაწყებიდან ორი წლის შემდეგ ჩატარდა პირველი საზოგადოებრივი კვლევა სამხრეთ კავკასიაში აღმოსავლეთ პარტნიორობის პროგრამის შედეგებისა და სამომავლო პერსპექტივების შესახებ. პუბლიკაცია მომზადდა ლევან მიქელაძის სახელობის ფონდის მიერ ფრიდრიხ ებერტის ფონდის მხარდაჭერით. გადმოწერა. ENG  RUS